"Тадбиркорликни ривожлантириш компанияси" АЖ Кузатув кенгаши таркибида ҳалқаро тажрибага эга мустақил аъзолар сонини кўпайтириш орқали компания Кузатув кенгаши сон таркибини тўққиз нафарга етказиш мақсадида жорий таркибнинг ваколатлари муддатидан аввал тугатилди.

Шунингдек, 2 апрель куни бўлиб ўтган акциядорларнинг умумий йиғилишида Кузатув кенгашининг янги таркиби уч йил муддатга тасдиқланди. Бу ҳақда Корпоратив ахборот ягона порталида маълумот берилди.

Компания Кузатув кенгашининг янги таркиби қуйидагича тасдиқланди:

• Қўчқоров Жамшид Анварович – Ўзбекистон Республикаси Бош вазирининг ўринбосари, Иқтисодиёт ва молия вазири;
• Норқулов Илҳом Иброхимович – Ўзбекистон Республикаси Иқтисодиёт ва молия вазирининг биринчи ўринбосари;
• Аннакличев Сахи Сапармухамедович – “Бизнесни ривожлантириш банки” акциядорлик тижорат банки Бошқаруви раиси;
• Убайдуллаев Мирзохид Муродилович – Фарғона вилояти ҳокимининг биринчи ўринбосари;
• Исаков Одилбек Рустамович (мустақил аъзо) – “Infrasia Capital” компанияси ҳаммуассиси ва Бош директори;
• Ҳасан Ортиқ (мустақил аъзо) – “JPMorgan Chase” вице-президенти, бозорни кенгайтириш бўйича менежер;
• Трофимова Екатерина Владимировна (мустақил аъзо) – “Деловые решения и технология” АЖ бош директори ўринбосари;
• Султонов Тўлқин Толибович (мустақил аъзо) – “IEC Energy” Германия энергетика ширкатининг ваколатхонаси бошлиғи;
• Пирматов Бекжан Олжаевич (мустақил аъзо) – “FORTEBANK” Бошқарувчи директори.