ТBС Bank Group Ўзбекистонда янги бошқарув компанияси ташкил этилишини эълон қилди. Бу ҳақда компания матбуот хизмати маълум қилди.

ТBС Bank Group PLC Европа тикланиш ва тараққиёт банки (EТТБ) ва Халқаро молия корпорацияси (ХМК) билан Ўзбекистонда ягона бошқарув компанияси – ТBС Digital остида бирлаштириш бўйича келишувга эришди. Янги компания республикада рўйхатдан ўтган ва ТBС Узбекистан экотизимида ТBС Group бизнесини бошқаради. Унинг бош директори этиб Ника Курдиани тайинланди.

2021 йил сентябрь ойида EТТБ ва ХМК ТBС Bank Uzbekistan'нинг 20 фоизлик улушини сотиб олган, ТBС Group' нинг улуши эса 60 фоизни ташкил этди. Биргаликда фаолиятни тартибга солиш учун томонлар директорлар кенгаши ва акциядорларнинг ваколатларини белгиловчи стандарт қоидалар билан акциядорлар шартномасини тузди. EТТБ ва ХМК ҳам ўз акцияларини ТBС Bank фойдасига сотиш, ТBС Bank эса уларни қайтариб сотиб олиш имкониятини олди.

ТBC PLC, EТТБ ва ХМК қўшма фаолият тузилмасини ўзгартиришга келишиб олди ва TBC Digital ТBС Bank Узбекистан ва Payme' нинг ягона эгаси бўлиши ҳақида қарор қилинди.

ТBС Digital бошқарув компаниясининг акциялари қуйидагича тақсимланади: ТBС PLC - 79,7%, EТТБ ва ХМК - ҳар бири тахминан 10,15%.

ТBС Uzbekistan'нинг илгари мавжуд бўлган бошқарув тузилмаси тугатилиб, ТBС Digital учун унга ўхшаш тузилма яратилади. Хусусан, ТBС PLC, EТТБ ва ХМК ўртасида директорлар кенгаши ва акциядорларнинг ваколатларини белгиловчи стандарт қоидалар билан янги акциядорлар шартномаси тузилади.

Бундан ташқари, EТТБ ва ХМК ТBС PLC билан янги шартнома имзолади. Шартларга кўра, EТТБ ва ХМК янги келишувлар кучга кирганидан кейин беш йил ўтгач, ТBС PLC компаниясига ТBС Digital' даги ўз улушларини сотиш имкониятини қўллаши мумкин. Бу TBС PLC янги акцияларини чиқариш йўли билан ҳал қилинади ва агар бундай эмиссия имкони бўлмаса, нақд пулда бўлади. Саккиз йилдан сўнг ТBС PLC ТBС Digital' даги шерикларнинг акцияларини нақд пулга сотиб олиш ҳуқуқига эга бўлади.

Янги келишувлар барча рўйхатга олиш тартиб-қоидалари тугагандан сўнг, тахмин қилинишича, кейинги уч ой ичида кучга киради.